Türkmen ilçisi Niderlandlaryň Patyşasynyň Täze ýyl mynasybetli kabul edilşigine gatnaşdy

Ýanwar 18, 2024 | 12:18 |5415

Türkmenistanyň Ýewropa Bileleşiginiň ýanyndaky wekili Sapar Pälwanow Niderlandlaryň Patyşasynyň Täze ýyl mynasybetli maşgala kabul edilşigine gatnaşdy. Oňa şeýle hem beýleki döwletleriň Niderlandlar Patyşalygyndaky diplomatik wekilhanalarynyň ýolbaşçylary gatnaşdylar. Bu barada Türkmenistanyň bu ýurtdaky diplomatik wekilhanasy habar berýär.

Bellenişi ýaly, kabul edilşik ikitaraplaýyn we ählumumy meseleleri boýunça Niderlandlaryň Daşary işler ministrliginiň resmi wekilleri bilen pikir alyşmaga we netijeli gepleşikleri geçirmäge mümkinçilik berdi.

Umuman, Niderlandlaryň Patyşasy tarapyndan guralan kabul edilşik ýurtlaryň diplomatik wekilleri bilen özara pikir alyşmalary geçirmek üçin amatly mümkinçilik boldy.

ORIENT news