RF-iň Merkezi saýlaw topary: köpçülikleýin habar beriş serişdelerinde saýlawlaryň öňýanyndaky wagyz ediş çäreleri 17-nji fewralda başlaýar
Russiýanyň Prezidentiniň saýlawlary boýunça köpçülikleýin habar beriş serişdelerinde saýlawlaryň öňýanyndaky wagyz ediş çäreleri 17-nji fewralda başlaýar we 14-nji marta çenli dowam edýär.
Bu barada Russiýanyň MST-niň başlygy Ella Pamfilowa habar berýär diýip RIA Nowosti habar berdi.
Şeýle hem Ella Pamfilowa kanunyň talabyna laýyklykda, wagyz ediş materiallaryň saýlaw gaznasynyň serişdeleriniň hasabyna tölenen we saýlaw toparyna deslapdan tanyşdyrylan ýagdaýynda dalaşgär tarapyndan ýaýradylyp bolýandygyny belledi.
Russiýanyň Prezidentiniň saýlawlary 2024-nji ýylyň 17-nji martyna bellenildi. Ses bermek çäresi üç gün-15, 16 we 17-nji martda geçiriler.
Häzirki wagtda döwlet Baştutanyny wezipesine 11 adam dalaşgärlik edýär. RF-iň Merkezi saýlaw topary üç dalaşgäri-Leonid Sluskni, Nikolaý Haritonowy we Wladislaw Dawankowy bellige aldy. Olaryň parlamentdäki syýasy partiýalaryň wekilleridigini nazara almak bilen, olara özlerini goldaýanlaryň gollaryny ýygnamak hökman däl. Parlamentde orny bolmaýan syýasy partiýalardan dalaşgärler Sergeý Malinkowiçe, Boris Nadeždine, Andreý Bogdanowa, Sergeý Baburine, Irina Swiridowa 31-nji ýanwara çenli Merkezi saýlaw toparyna iň azyndan ýüz müň gol görkezmek gerek. Özbaşdan dalaşgärler Wladimir Putine, Rada Russkih we Anatoliý Bataşewa bolsa azyndan üç ýüz müň gol görkezmek gerek.
Merkezi saýlaw topary ähli dalaşgärlere bellige almak baradaky çözgüdi 10-njy fewraldan gijä galman kabul etmeli.
ORIENT news
