Halkara Pul gaznasy 2024-nji ýylda dünýä ykdysadyýetiniň ösjekdigini mälim edýär
Dawos şäherinde geçirilen ykdysady forumyň çäklerinde Halkara Pul gaznasynyň ýolbaşçysy Kristalina Georgiýewa 2024-nji ýylda dünýä ykdysadyýetiniň ösüş üçin täze itergi aljakdygyny mälim etdi.
Onuň sözlerine görä, bu geçen ýylyň ykdysadyýetçileriň garaşyşyndan has gowy tamamlanmagynyň hasabyna mümkin bolar.
“Dünýä ykdysadyýeti haýran galdyryjy durnukly bolmagynda galýar. 2023-nji ýyl garaşanymyzdan has gowy, uly bolmadyk öňegidişlik bilen tamamlandy” diýip, Georgiýewa belleýär.
2023-nji ýylda Bütindünýä Banky dünýä ykdysadyýetiniň pese gaçjakdygyny çaklapdy. Ýöne, bu hadysa bolup geçmedi. Köp sanly ykdysatçylar ählumumy jemi içerki önümiň 2024-nji ýylda pese düşmegine garaşýardy.
BMG hem ählumumy ykdysadyýetiň ýagdaýyna bagyşlap taýýarlan synynda 2023-nji ýylda ykdysady ösüşiň garaşylyşyndan ýokary bolandygyny belledi.
ORIENT news
