Daşoguzda demirbeton önümçiligi artýar
Türkmenistanyň demirgazyk sebitinde ýerleşýän “Demirbetonönümleri” zawody 2023-nji ýylda demirbeton önümleriniň öndürilişini 19 göterim artdyrdy. Bu barada Türkmenistanyň resmi metbugaty habar berýär.
Öndürilen önümleriň pul hasabyndaky möçberi 36,3 million manada deň boldy. Geçen ýylda kärhanada dürli görnüşli önümleriň 80-e golaýy öndürildi. Demirbeton önümlerini taýýarlamaga esasy buýrujylar hökmünde sebitde giň gerimli gurluşyk işlerini alyp barýan hususy kärhanalar boldy.
Sebitiň hususy gurluşyk kärhanalary Daşoguz şäheriniň Görogly, Oguzhan, Örazgeldi Ärsaryýew, Şagadam köçeleriniň aralygynda 4 gatly, “Nowruz” we “Nowruz 2” kiçi ýaşaýyş toplumynda, “Gülüstan” etrapçasynda we Şawat derýasynyň golaýynda bir we iki gatly ýaşaýyş jaýlaryny gurýarlar. Bu gurluşyklarda “Demirbetonönümleri” zawodynyň önümler giňden peýdalanylýar.
ORIENT news
