Türkmen mekdep okuwçylary Almatyda geçirilen halkara olimpiadasynda 8 medal gazandy
Ýanwar 15, 2024 | 22:11 |4712
Türkmen mekdepleriniň okuwçylary 8-13-nji ýanwar aralygynda Almaty şäherinde geçirilen matematika, fizika we informatika boýunça 20-nji Halkara Žautykow olimpiadasynyň ýeňijisi boldular.
Olimpiadanyň ýubileý sanyna 16 ýurtdan 700-den gowrak orta mekdep okuwçysy gatnaşdy. Türkmen okuwçylary 1 kümüş we 7 bürünç medala eýe boldylar.
Halkara Žautykow olimpiadasy ilkinji gezek 2005-nji ýylda geçirildi we şondan bäri oňa, 4500-den gowrak mekdep okuwçysy gatnaşdy. Olimpiadanyň esasy maksatlary, dünýädäki fizika we matematika derslerine ýöriteleşen mekdepleriň arasynda ýakyn hyzmatdaşlygy ösdürmek we mekdep okuwçylarynyň arasynda takyk ylymlar boýunça bilimleri ýaýratmak.
ORIENT news
