Türkmenistanyň Döwlet haryt-çig mal biržasynyň söwdalarynda nebithimiýa, ýeňil senagat, oba hojalyk önümleri we elde halylary ýerlenildi
13-nji ýanwarda, şenbe güni, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda nebithimiýa, ýeňil senagat, oba hojalyk önümleri we elde halylary ýerlenildi.
Daşarky bazarda Birleşen Arap Emirlikleriniň telekeçileri “Türkmennebit” döwlet konserni we “Türkmenhimiýa” döwlet konserni bilen “TPP D 30 S” kysymly polipropileni hem-de “B” kysymly karbamidi satyn almak barada geleşik baglaşdylar.
Türkiýäniň telekeçileri Türkmenistanyň Saglygy goraýyş we derman senagaty ministrligi bilen arassalanmadyk, guradylan buýan köküni we kök baldagyny satyn almak barada geleşik baglaşdylar.
Gyrgyzystanyň we Türkiýäniň telekeçileri Türkmenistanyň işewür toparlarynyň wekillerinden erkekler üçin köýnekleri, nah ýüpligini satyn aldylar.
Türkmen telekeçileri içerki bazar üçin “Türkmennebit” döwlet konserni bilen “TPP D 30 S” kysymly polipropileni, “BND 60/90” kysymly ýol bitumyny satyn almak barada geleşikleri baglaşdylar.
Şeýle hem olar el halylaryny satyn aldylar.
Söwdalaryň dowamynda umumy bahasy 1 974 221,74 manat we 3 993 150 dollar bolan 9 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar.
ORIENT news
