Owgan neşiri: 2023-nji ýylda Türkmenistanyň we Owganystanyň söwda dolanyşygy 481 million dollara ýetdi
Owganystanyň Söwda we senagat ministrliginiň maglumatlaryna laýyklykda, 2023-nji ýylda Türkmenistanyň we Owganystanyň söwda dolanyşygynyň möçberi 481 million dollara barabar boldy. Bu barada “TOLO” habarlar agentligi ministrligiň ýolbaşçysynyň türkmen ilçisi bilen geçiren söhbetdeşligine salgylanyp habar berýär.
Bellenişi ýaly, taraplar söwda toplumynda birnäçe soraglary, şol sanda owgan mermer daşynyň Türkmenistana eksportyny giňeltmek, Aşgabatda Owganystanda öndürilýän önümleriň sergisini guramak meselelerini maslahatlaşdylar.
Owganystan öz harytlaryny Türkmenistanyň üstaşyry beýleki ýurtlara, şol sanda Gazagystana ibermek arkaly 2024-nji ýylda eksport mukdaryny artdyrmak isleýär. Bu pikir goňşy ýurduň Söwda we maýa goýum palatasynda beýan edildi.
Owganystanyň Söwda we senaagt ministrliginiň habar bermegine görä, elektrik, nebit önümleri we suwuklandyrylan tebigy gaz Türkmenistanyň Owganystana iberýän esasy eksport harytlarydyr. Owganystan bolsa, Türkmenistana esasan mermer we käbir oba hojalyk önümlerini iberýär.
ORIENT news
