Aşgabatda owgan harytlarynyň sergisi geçiriler
Owganystanyň Söwda we senagat ministrligi öz habar býulleteniniň Х sahypasynda Aşgabatda owgan harytlarynyň sergisi geçiriler diýip, habar berilýär. Bu barada şenbe güni, ýerine ýetiriji ministr Noruddin Aziziniň Türkmenistanyň ilçisi Hoja Öwezow bilen bolan duşuşygynda habar berildi.
Taraplar telekeçiler üçin şert döretmek, şeýle hem iki ýurduň arasyndaky alyş-çalyş we söwda gatnaşyklaryny giňeltmek maksady bilen sergiler we işewür forumlary geçirmek meselesini ara alyp maslahatlaşdylar. Azizi, şeýle hem, ilçiniň ünsüni Owganystanyň eksport mümkinçiliklerine, hususan-da dünýä bazarlaryna iberilip bilinjek oba hojalyk önümlerine gönükdirdi.
Taraplaryň ýakyn wagtda Türkmenistanyň paýtagtynda iki ýurduň işewürleriniň arasynda owgan önümleriniň sergisini we işewür duşuşyklaryny geçirmäge razy bolandyklary habar berildi.
ORIENT news
