COP28-de öňe sürlen Türkmenistanyň milli garaýyşlary BMG-niň BA-nyň 78-nji mejlisiniň resminamasy hökmünde neşir edildi
2023-nji ýylyň 1-2-nji dekabrynda BMG-niň Howanyň üýtgemegi baradaky Çarçuwaly konwensiýasyna (COP28) gatnaşyjylaryň konferensiýasynyň 28-nji mejlisinde Prezident Serdar Berdimuhamedowyň eden çykyşyndaky Türkmenistanyň howanyň üýtgemegi we daşky gurşaw howpsuzlygy baradaky milli garaýyşlary Baş Assambleýanyň 78-nji mejlisiniň resmi resminamasy hökmünde BMG-niň alty resmi dilinde çap edildi we ýaýradyldy.
Resminamanyň doly tekstini şu salgydan tapyp bilersiňiz.
Beýannama Baş Assambleýanyň häzirki mejlisiniň şu gün tertibi “Adamzadyň häzirki we geljekki nesilleriniň bähbidine global howany goramak” we “Merkezi Aziýada parahatçylyk, ynam we hyzmatdaşlyk zolagy” boýunça neşir edildi.
Bu resminama, hususan-da, Türkmenistanyň Global Metan borçnamasyna goşulandygyny we ÝUNEP bilen bilelikde BMG-niň Merkezi Aziýada Howanyň üýtgemegi tehnologiýalary boýunça Sebit merkeziniň Türkmenistanda açylmagy üçin kanuny esas döredilendigini habar berýär. Bu barada BMG-niň ýanyndaky Türkmenistanyň Hemişelik wekilhanasy habar berýär.
ORIENT news
