Ilkinji arap kosmonawty BAE-niň ýaşlaryň işleri boýunça ministri wezipesine bellendi

Ýanwar 09, 2024 | 16:51 |10334

Halkara kosmos stansiýasynda 6 aýlap bolan BAE-niň 42 ýaşly kosmonawty Soltan Al Neýadi ýurduň ýaşlaryň işleri boýunça döwlet ministri wezipesine bellendi.

BAE-niň wise-prezidenti we Premýer-ministri, Dubaýyň häkimi Şeýh Muhammet bin Raşid Al Maktum Al Neýadini ýaşlar meselesi bilen iň tanyş we ýaş nesliň bähbitlerini üstünlikli goldap bilýän adam hökmünde häsiýetlendirdi.

"Soltan ylymlaryň kandidaty bolan kosmonawt, harby we kosmos pudagynda öz ýurduna, ylymda adamzada hyzmat etdi we Ýeriň orbitasyndaky Arş giňişliginde 6 aýlap bolan ilkinji arap boldy" diýip, BAE-niň wise-prezidenti belledi.

Şol bir wagtyň özünde Soltan Al Neýadi kosmos barlag işlerini dowam etdirer.

ORIENT news