Taýger Wudsyň “Nike” bilen 27 ýyllyk hyzmatdaşlygy tamamlandy
Amerikaly golfçy, “Meýjor” atly bäsleşigiň 15 gezek ýeňijisi Taýger Wuds “Nike” kompaniýasy bilen eden 27 ýyllyk hyzmatdaşlygy tamamlandy.
“27 ýyl ozal iň meşhur brendeleriň bir bölegi bolmak bagty maňa miýesser etdi. Şondan bäri geçen döwür ýatdan çykmajak pursatlardan we ýatlamalardan doly. Olaryň hemmesini gürrüň berjek bolsaň bütin ömrüňi sarp etmeli bolar” diýip, Wuds “Instagram” sahypasynda ýazýar. Onuň bellemegine görä, onuň durmuşynda täze tapgyr başlanýar.
“Nike” kompaniýasy jogap hatynda golf sporty boýunça hyzmatdaşlygy ösdürmäge goşandy we negatiw çaklamalara we düşündirişlere, golf institutynyň köne pikirleniş usullaryna garşy çykandygy üçin Taýger Wudsa minnetdarlyk bildirdi.
Köp sanly golf rekordlarynyň eýesi Taýger Wuds “Nike” bilen 1996-njy ýyldan bäri hyzmatdaşlyk edip gelýärdi. Kompaniýa bilen baglaşylan şertnama esasynda golf ussady 27 ýylda 460 million dollardan gowrak girdeji gazandy.
2022-nji ýylyň iýunynda “Forbes” žurnaly Wudsyň taryhda üçünji milliarder türgen bolandygyny ýazdy. Onuň girdejisiniň esasy bölegi “Rolex”, “Gatorade”, “Monster Energy”, “TaylorMade”, “Buick” we “Gillette” bilen baglaşylan mahabat şertnamalaryndan gelýär.
ORIENT news
