“Türkmen gündogary” gazeti döredijilik bäsleşigini yglan edýär
2024-nji ýylyň Türkmenistanda “Pähim-paýhas ummany Magtymguly Pyragy” ýyly diýlip yglan edilmegi we beýik akyldar şahyryň 300 ýyllygy mynasybetli “Türkmen gündogary” welaýat gazeti “Magtymguly sözlär tili türkmeniň” atly döredijilik bäsleşigini yglan edýär.
Döredijilik bäsleşigi Kärdeşler arkalaşygyň Lebap welaýat birleşmesi, Demokratik partiýanyň welaýat komiteti, şeýle hem Ýaşlar guramasynyň welaýat geňeşi bilen bilelikde guralýar.
Ol ýaş nesliň Magtymguly Pyragynyň döredijiligine bolan gyzyklanmalaryny artdyrmaga, olary watançylyk ruhunda terbiýelemek maksady bilen geçirilýär. Gyzyklanma bildirýän taraplar özleriniň akyldar şahyra bagyşlap ýazan makalalaryny, hekaýalaryny we goşgularyny iberip bilerler.
Döredijilik eserleri şu ýylyň dekabr aýynyň 25-ne çenli Türkmenabat şäheriniň S.A.Nyýazow köçesini 42-nji jaýynda ýerleşýän “Türkmen gündogary” gazetiniň redaksiýasyna ýa-da onuň turkmengundogary-gazeti@sanly.tm elektron poçtasyna iberip bilerler.
Bäsleşigiň netijeleri Täze ýyl baýramynyň öňüsyrasynda jemlener. Iň gowy eserler welaýat gazetiniň sahypalarynda çap ediler.
ORIENT news
