Hytaýda we Wengriýada okamak üçin resminamalar kabul edilip başlandy
3-nji ýanwarda Hytaý Halk Respublikasynyň we Wengriýanyň ýokary okuw mekdeplerinde 2024-2025-nji okuw ýylynda bakalawr maksatnamasy boýunça bilim almak isleýän Türkmenistanyň raýatlarynyň resminamalaryny kabul edilşik möwsümi başlandy. Bu barada Türkmenistanyň Bilim ministrligi habar berýär.
Ýokary okuw mekdeplerine umumy orta, orta hünär bilimli, ýaşy 25-den geçmedik hem-de 18 ýaşy dolan, iň¬lis dilini bilýän Türkmenistanyň raýatlarynyň resminamalary Magtymguly adyndaky Türkmen döwlet uniwersitetinde 10-njy ýanwara çenli kabul edilýär. Ol Aşgabat şäheriniň S.Türkmenbaşy şaýolunyň 31-nji jaýynda ýerleşýär.
Döwlet derjesindäki şeýle hem halkara bäsleşiklerde ders olimpiadalarynda baýrakly orunlara eýe bolanlar ýeňilliklerden peýdalanyp bilerler.
Habarlaşmak üçin telefon belgileri: (+993 12) 94-69-90, 94-54-29.
Tabşyrmaly resminamalaryň sanawyny şu salgy boýunça tanşyp bilersiňiz.
ORIENT news
