ABŞ-nyň döwlet bergisi ilkinji gezek 34 trillion dollardan geçdi
Amerikanyň Birleşen Ştatlarynyň döwlet bergisi ilkinji gezek 34 trillion dollardan geçdi. Bu barada ABŞ-nyň Maliýe ministrligi habar berýär.
Sişenbe günündäki ýagdaýa görä, ABŞ-nyň üzülmedik döwlet bergisiniň möçberi 34,001 trillion dollara ýetdi.
Bu babatda iň soňky rekord görkeziji geçen ýylyň snetýabrynda 33 trillion dollar möçberde kesgitlenildi.
“Bank of America” bankynyň çaklamalaryna laýyklykda, ABŞ-nyň döwlet bergisi 2033-nji ýyla çenli 50 trillion dollardan aşar. Bu ýurduň bergisiniň gündelik 5,2 milliard dollar möçberde artjakdygyny aňladýar.
ABŞ-nyň döwlet bergisi – bu federal hökümetiň karz berijileriň öňündäki bergisiniň möçberidir. Karz berijiler hökmünde bolsa, hususy taraplar, mysal üçin raýatlar, daşary ýurtly maýa goýujylar, döwletler ýa-da iri gaznalar çykyş edip bilýär.
ORIENT news
