Gurbanguly Berdimuhamedow Täze ýyly agtyklary bilen garşylady

Ýanwar 01, 2024 | 13:47 |7636

Çeşme: Redaksiýanyň arhiwinden

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Täze ýyly maşgala agzalary, aýaly we agtyklary bilen garşylady. Bu barada Türkmenistanyň Döwlet habarlar agentligi mälim edýär.

Gurbanguly Berdimuhamedowyň agtygy Aýjeren saz guralynyň başyna geçip hemmeleri täze öwrenen sazy we türkmen, rus hem-de iňlis dillerindäki goşgy setirleri bilen gutlaýar. Türkmen halkynyň Milli Lideriniň agtygy Mähriban bolsa, babasyna daşary ýurt sazlarynyň birini çalyp berýär.

Türkmenistanyň Halk Maslahatynyň Başlygy we onuň maşgala agzalary "Älem" medeni dynç alyş merkezinde ýaýbaňlandyrylan baýramçylyk dabaralaryna hem telewideniýe arkaly tomaşa etdiler.

ORIENT news