Serdar Berdimuhamedow türkmenistanlylary Täze ýyl bilen gutlady
Türkmenistanyň Prezidenti Serdar Berdimuhamedow ýetip gelen täze 2024-nji ýyl mynasybetli ähli türkmen halkyny tüýs ýürekden gutlap, olaryň ählisine parahatçylyk, abadançylyk, rysgal-bereket we bagt arzuw etdi. Bu barada Türkmenistanyň Döwlet habarlar agentligi mälim edýär.
Döwlet Baştutany geçen ýylda Arkadag şäheriniň açylyp ulanmaga berilmeginiň hakyky taryhy waka bolandygyny belledi.
"Garaşsyz ýurdumyzyň ähli ýerlerinde döwrebap ýaşaýyş jaýlaryny, mekdepleri, çagalar baglaryny, saglygy goraýyş, sport desgalaryny bina etdik. Medeniýet we sungat edaralaryny, seýilgähleri, önümçilik binalaryny, başga-da köp sanly desgalary ulanmag berdik" diýip, Türkmenistanyň Prezidenti gutlagynda belledi. Bu barada Türkmenistanyň Döwlet habarlar agentligi mälim edýär.
Serdar Berdimuhamedow şeýle hem täze ýylda daşary syýasatda Bitarap Türkmenistanyň dünýädäki ornunyň has-da berkidiljekdigini, Ýer ýüzüniň döwletleri we halkara guramalary bilen hyzmatdaşlygyň täze many-mazmun bilen baýlaşdyryljakdygyny nygatdy.
"Biz täze ýylda-da eziz Watanymyzy bagtyýarlygyň we rowaçlygyň mekanyna öwürmek ugrunda yhlas bilen zähmet çekeris" diýip, Prezident Serdar Berdimuhamedow sözüni jemledi.
ORIENT news
