Gurbanguly Berdimuhamedow "Arkadag" futbol toparynyň türgenleri bilen duşuşdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, bu ýerde Türkmenistanyň futbol boýunça çempiony bolan "Arkadag" futbol toparynyň türgenleri we ýolbaşçylary bilen duşuşdy. Bu barada "Watan" habarlar gepleşigi mälim edýär.
Habar berlişi ýaly, ýokary halk wekilçilik edarasynyň ýolbaşçysy futbolçylar bilen söhbetdeşliginde, futbol toparyny mundan beýläk-de ösdürmek we onuň dürli halkara ýaryşlaryna gatnaşmak mümkinçiliklerini maslahatlaşdy. Türkmen halkynyň Milli Lideri futbol toparynyň türgenleriniň tejribelerini we başarnyklaryny ýokarlandyrmak maksady bilen daşary ýurtlaryň futbol toparlary bilen oýunlary guramagyň möhümdigini belledi.
Halk Maslahatyň Başlygynyň iş saparynyň dowamynda täze "Man" kysymly awtobusy futbol toparyna gowşurmak dabarasy boldy. Ol ýurduň Prezidenti Serdar Berdimuhamedow tarapyndan "Arkadag" futbol toparyna sowgat edildi.
ORIENT news
