Russiýa Türkmenistan bilen netijeli hyzmatdaşlygy mundan beýläk-de ösdürmegi maksat edinýär
Prezident Wladimir Putin Täze ýyl mynasybetli türkmen kärdeşi Serdar Berdimuhamedowa iberen gutlagynda öz ýurdunyň bilelikdäki ýakyn we netijeli işleri mundan beýläk hem giňeltmek isleýändigini belledi. Bu barada Türkmenistanyň Döwlet habarlar agentligi mälim edýär.
"Dostlukly halklarymyzyň, Merkezi Aziýada hem-de Hazar deňzi sebitinde durnuklylygy, howpsuzlygy pugtalandyrmagyň bähbidine ikitaraplaýyn we halkara gün tertibiniň möhüm meseleleri boýunça dowam etdirjekdigimize umyt edýärin" diýlip, hatda bellenýär.
Prezident Putin şeýle hem tamamlanyp barýan ýylda Russiýanyň we Türkmenistanyň gatnaşyklarynyň çuňlaşdyrylan strategik hyzmatdaşlyk ruhunda okgunly ösdürilendigini nygtady.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa ýollan hatynda Wladimir Putin netijeli hyzmatdaşlygyň ähli ugurlar boýunça mundan beýläk-de ösdüriljekdigine ynam bildirdi. Şeýle hem hatda parlametara aragatnaşylaryny ösdürmekde türkmen halkynyň Milli Lideri Gurbanguly Berdimuhamedowyň şahsy goşandynyň uludygy nygtalýar.
ORIENT news
