Dünýäde ilkinji goşa periskop kameraly smartfon ýanwar aýynda çykar
Iki sany periskop kameralary özünde jemleýän dünýäniň ilkinji smartfonynyň resmi taýdan tanyşdyryljak senesi yglan edildi.
Şeýlelikde, “Oppo Find X7 Ultra” atly täze smartfon 2024-nji ýylyň 8-nji ýanwarynda Hytaýda satuwa çykarylar.
Täze önüm taryhda ilkinji gezek esasy kameranyň bir bölegi hökmünde iki sany periskop modulyny alar. Surat datçigi bolan esasy modul - ýokary derejeli “Sony” sensory bilen hemra aragatnaşygyny goldar.
Şeýlelikde, “Oppo Find X7 Ultra” hemra aragatnaşygyny goldaýan hem-de “Snapdragon 8 Gen 3” prosessory bilen işleýän dünýäde ilkinji smartfon bolar. Ondan soň geljek ýylyň 11-nji ýanwarynda “Honor Magic6 Pro” we “Magic6 Porsche Desing” smartfonlary tanyşdyrylar.
Hytaýda “Find X7” we “Find X7 Ultra” atly iki model üçin-de öňünden sargytlar kabul edilip başlandy.
Ilkinji alyjylar birnäçe bonuslara – simsiz gulaklyklara, göterimsiz esasda iki ýyllap tölemäge rugsat we täze önümleriň ekranlary üçin bir ýyl kepillige eýe bolarlar. Şeýlelikde, satyn alnan senesinden bir ýylyň içinde smartfonda bir zat döwülse, ol eýesine mugt bejerilip berilmez-de, derrew täzesi bilen çalşylyp berler.
ORIENT news
