Aýdymçy Nyuşa “Türkmenistanyň at gazanan artisti” diýen ada eýe boldy
Dekabr 27, 2023 | 22:47 |41778
Prezident Serdar Berdimuhamedowyň Permany bilen russiýaly aýdymçy we Russiýa Federasiýasynyň kompozitory Anna Şuroçkina “Türkmenistanyň at gazanan artisti” diýen hormatly ada mynasyp boldy.
Bu barada çarşenbe gününde agşamky “Watan” habarlar gepleşiginde habar berildi.
Nýuşa ady bilen tanalýan meşhur rus solisti, Türkmenistan bilen Russiýa Federasiýasynyň halklarynyň dost-doganlyk, hoşniýetli goňşuçylyk hem-de hyzmatdaşlyk gatnaşyklaryny berkitmekde, iki döwletiň arasyndaky uzak ýyllardan bäri dowam edip gelýän medeni-ynsanperwer ugurlardaky hyzmatdaşlygy pugtalandyrmakda bitiren aýratyn hyzmatlary şeýle-de aýdym-saz sungatyny ösdürmekde gazanan ajaýyp üstünlikleri üçin bu hormatly ada mynasyp boldy.
ORIENT news
