Azerbaýjan Ulag logistikanyň sanly maglumat ulgamynyň taslamasynyň konsepsiýasyny taýýarlady
Azerbaýjanyň Sanly ösüş we ulag ministrligi Ulag logistikanyň sanly maglumat ulgamynyň taslamasynyň konsepsiýasyny taýýarlady.
Bu barada ýurduň sanly ösüş we ulag ministriniň orunbasary Rahman Gummatow Baku şäherinde geçirilen Azerbaýjan-türk maýa goýum forumynyň çäklerinde mälim etdi. Forum Azerbaýjanyň umumymilli Lideri Geýdar Aliýewiň 100 ýyllygyna hem-de Türkiýe Respublikasynyň esaslandyrylmagynyň 100 ýyllygyna bagyşlandy.
Taslama Azerbaýjanyň üstünden geçirilýän ýük akymlarynyň ähli işini sanlylaşdyrmagy göz öňünde tutýar. Bu işler ýüküň resminamalaryny, ygtyýarnamalary we rugsatnamalary düzetmegi, ulag görnüşini saýlamagy hem öz içine alýar.
Bu işleriň doly sanlylaşdyrylmagy harytlary ibermek zynjyrynda takyklygy üpjün eder.
ORIENT news
