TDHÇMB-däki söwda geleşikleri: nebithimiýa we ýeňil senagatyň önümleri ýerlenildi

Dekabr 27, 2023 | 10:13 |8358

26-njy dekabrda Türkmenistanyň Döwlet haryt-çig mal biržasynda geçirilen söwda geleşiklerinde nebithimiýa we ýeňil senagatyň önümleri ýerlenildi.

Birleşen Arap Emirlikleriniň işewürleri “Türkmennebit” döwlet konserninden “TS-1” kysymly awiakerosin satyn almak barada geleşik baglaşdylar.

Içerki bazarda, ýerli işewürler “Türkmenýüpek” ÝGPJ-den çig ýüplük satyn aldylar.

Söwdalaşyklaryň barşynda jemi bahasy 3 300 000,00 manada we 2 409 750,00 ABŞ dollaryna deň bolan 2 geleşik baglaşyldy.

Türkmenistanyň Döwlet haryt-çig mal biržasynda geçirilýän söwdalaşyklar barada giňişleýin şu salgy boýunça öwrenip bilersiňiz.

ORIENT news