Sankt-Peterburgda GDA agza döwletleriň Baştutanlarynyň resmi däl duşuşygy geçirilýär
Russiýanyň Prezidenti Wladimir Putiniň çakylygy bilen Täze ýylyň öňüsyrasynda Sankt-Peterburg şäherinde GDA agza döwletleriň Baştutanlarynyň resmi däl duşuşygy geçirilýär.
Sammitiň öňüsyrasynda Russiýanyň Prezidenti ilki bilen Azerbaýjandan, Ermenistandan, Belarusdan, Gazagystandan, Gyrgyzystandan, Täjigistandan, Türkmenistandan we Özbegistandan kärdeşlerini Sankt-Peterburgyň köşk we seýilgäh toplumlaryna gezelenç etmäge çagyrdy. Bu barada “TASS” habarlar agentligi mälim edýär.
Sişenbe güni öýlän Arkalaşygyň döwlet Baştutanlary “Pawlowsk” muzeý-goraghanasyna geldiler. Olaryň “Sarskoýe Selo” we “Petergofa” hem baryp görmeklerine garaşylýar.
Köşkdäki gezelençden soň, onuň zallarynyň birinde Prezidentler üçin kiçiräk konsert guraldy: “Demirgazyk simfoniýasy” orkestri we solistleri birnäçe nusgawy wals we romanslary ýerine ýetirdiler. Çäräni Russiýanyň Prezidentiniň halkara medeni hyzmatdaşlygy boýunça ýörite wekili Mihail Şwydkoý alyp bardy.
GDA-nyň resmi däl sammiti Strelnadaky “Konstantinowskiý” köşgünde geçiriler. Onuň GDA-nyň döwlet Baştutanlarynyň “Sarkoýe Selo” köşgüne we “Petergofa” gezelenç edenlerinden soň geçiriljekdigi habar berilýär.
ORIENT news
