TDHÇMB-däki söwdalaşyklar: dizel ýangyjy we kaliý hloridi satyldy
Dekabr 26, 2023 | 00:50 |3366
Şenbe güni Türkmenistanyň Döwlet haryt-çig mal biržasynda geçirilen söwdalaşyklarda içerki we daşarky bazarda “L-0,5-62” kysymly dizel ýangyjy hem-de ownuk däneli kaliý hloridi satyldy.
Owganystanyň işewürleri “Türkmennebit” döwlet konserninden “L-0,5-62” kysymly dizel ýangyjyny satyn almak barada geleşik baglaşdylar.
Içerki bazarda, ýerli türkmen işewürleri “Türkmenhimiýa” döwlet konserninden ownuk däneli kaliý hloridini satyn almak barada geleşik baglaşdylar.
Söwdalaşyklaryň barşynda jemi bahasy 275 000 000 manada we 14 075 000 ABŞ dollaryna deň bolan 3 geleşik baglaşyldy.
Türkmenistanyň Döwlet haryt-çig mal biržasynda geçirilýän söwdalaşyklar barada giňişleýin şu salgy boýunça öwrenip bilersiňiz.
ORIENT news
