Türkiýäniň Prezidenti Türkmenistanyň Halk Maslahatynyň Başlygyna hoşallyk bildirdi
Türkiýe Respublikasynyň Prezidenti Rejep Taýyp Ärdogan Respublikanyň döredilmeginiň 100 ýyllyk ýubileýi mynasybetli iberen gutlagy üçin türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa tüýs ýürekden hoşallyk bildirdi. Bu barada Döwlet habarlar agentligi mäli edýär.
“Ýurtlarymyzyň arasyndaky hoşniýetli, dost-doganlyk gatnaşyklary mundan beýläk-de çuňlaşdyrmagy we ösdürmegi maksat edinýändigimizi beýan etmek bilen, Türkiýäniň halkynyň adyndan hem-de öz adymdan Siziň Alyhezretiňize berk jan saglyk, bagtyýarlyk arzuw edýärin” diýlip hatda bellenýär.
Mustafa Kemal Atatürk 1923-nji ýylyň 29-njy oktýabrynda Türkiýe Respublikasynyň döredilýändigini jar etdi. Şondan bäri bu sene Respublikanyň güni hökmünde baýram edilip gelinýär.
ORIENT news
