Serdar Berdimuhamedow Türkiýäniň wise-prezidenti Jewdet Ýylmazy kabul etdi
Türkmenistanyň Prezidenti Jewdet Ýylmaz çarşenbe güni Aşgabada sapar bilen gelen Türkiýäniň wise-prezidenti Jewdet Ýylmazy kabul etdi.
Özara duşuşykdan soň köpçülikleýin habar beriş serişdelerine Türkmenistanyň döwlet Baştutany bilen dürli mowzuklarda örän netijeli söhbetdeşligiň bolandygyny aýtdy. Wise-prezident şeýle hem türk Lideri Rejep Taýyp Erdoganyň Türkmenistanyň Prezidentine ýollan salamyny beýan etdi.
Ozal Türkiýäniň ösüş ministri hökmünde Türkmenistana gelip görendigini bellän Ýylmaz ondan bäri bolup geçen özgertmeleri ýene bir gezek görmek mümkinçiligiň dörändigine şatdygyny belledi hem-de Türkmenistanyň ýolbaşçylaryny bu ýolda gazanylan üstünlikler bilen gutlady. Onuň pikiriçe, iki ýurduň arasyndaky hyzmatdaşlyk Türkiýäniň we Türkmenistanyň ösüşüne uly goldaw berer.
Şeýle hem Jewdet Ýylmaz Aşgabatda geçirilýän Türkiýäniň eksport harytlarynyň sergisiniň we Türkmen-türk işewürlik forumynyň açylyşyna, Ykdysady hyzmatdaşlyk boýunça hökümetara türkmen-türk toparynyň mejlisine gatnaşdy. Onuň netijeleri boýunça degişli Teswirnama gol çekildi.
"Anadolu" habarlar agentliginiň mälim etmegine görä, bu Teswirnamada söwda, maýa goýum, gümrük, adam serişdeleri, senagat, energiýa, ulag, saglygy goraýyş, oba hojalyk, şähergurluşyk, sport ulgamlarynda hyzmatdaşlygyň ugurlaryny kesgitleýär we anyk bilelikdäki ädimleri beýan edýär.
ORIENT news
