Türkmenistanyň daşary işler ministri Russiýa Federasiýasynyň Federasiýa Geňeşiniň Komitetiniň Başlygy bilen duşuşdy
Sişenbe güni, 5-nji dekabrda Türkmenistanyň Daşary işler ministri Raşid Meredow bilen Russiýa Federasiýasynyň Federasiýa Geňeşiniň Halkara gatnaşyklar boýunça Komitetiniň Başlygy Grigoriý Karasiniň arasynda duşuşyk geçirildi.
Söhbetdeşlikde rus wekili türkmen-rus hyzmatdaşlygynyň çalt ösýändigine belledi şeýle hem, Merkezi Aziýa ýurtlarynyň we Russiýa Federasiýasynyň ikinji Parlamentara forumyny taýýarlamak we geçirmek boýunça bilelikdäki işlere bil baglaýandygyny aýtdy.
Türkmenistanyň Daşary işler ministrliginiň ýolbaşçysy hem öz gezeginde kanun çykaryjy ulgamlaryň wekilleriniň ikitaraplaýyn hyzmatdaşlygy ýola goýmakdaky möhüm goşandyna ünsi çekdi. Şeýle hem ministr halkara guramalarynyň çäklerinde bilelikdäki işleriň dowam etdirilmegini goldaýandygyny aýtdy.
Wekiliýetler söwda-ykdysady meseleler boýunça pikir alyşdylar we medeni-ynsanperwer ugurda hyzmatdaşlygy giňeltmegi ara alyp maslahatlaşdylar.
ORIENT news
