"ORIENT-iň" hormatly geňeşçisi Neda Berger Türkmenistanyň Daşary işler ministrliginiň metbugat merkeziniň agzasy boldy
Türkmen-Awstriýa jemgyýetiniň başlygy, bu jemgyýetiň "Galkynyş" žurnalynyň redaktory, "ORIENT-iň" hormatly geňeşçisi Neda Berger Türkmenistanyň Daşary işler ministrliginde resmi bellige alyndy. Ýeri gelende bellesek, Neda Berger Awstriýanyň kansleriniň metbugat gullugynda Türkmenistandan ýeke-täk wekildir. Ol şeýle hem "ORIENT-iň" öz habarçysy bolup durýar.
Hasaba alyş şahadatnamasyny gowşurmak Türkmenistanyň Daşary işler ministrliginiň binasynda dabarasy geçirildi. Bu ýerde Türkmenistanyň daşary işler ministri Raşid Meredow Neda Berger bilen gepleşikleri geçirdi. Onda türkmen-awstriýa gatnaşyklaryny ösdürmek meseleleri maslahatlaşyldy.
Medeni-ynsanperwer, söwda-ykdysady ulgamlar söhbetdeşligiň esasy özenini düzdi. Arkadag "akylly" şäheriniň ikinji tapgyrynyň gurluşygy bilen bagly täze açylýan mümkinçilikler barada hem söhbet edildi. Ýurtlaryň arasynda özara medeni çäreleri, şol sanda Medeniýet günlerini guramak mümkinçilikleri barada hem giňişleýin söhbet edildi.
Häzirki wagtda Neda Berger Türkmenistanda iş saparynda bolýar.
ORIENT news
