"Google" ulanyjylara öz emojilerini döretmäge şert döretdi
"Google" öz gözleg meýdançasynda "Emoji Kitchen" atly hyzmaty işe girizdi. Onuň kömegi bilen ulanyjylar ozal bar bolan emojileri garyşdyryp, täze öz emojilerini döredip bilerler. Ol "Android" ulgamynda "Gboard" düwmesinde elýeterlidir. Bu barada Hi-Tech.ru neşiri habar berýär.
Täze emoji döredilende bar bolan diňe 2 emojini garyşdyryp bolýar. Mysal üçin, pyşbaga we "kelläniň atylmagy" emojilerini birleşdirip, täsin täze emojini döredip bolýar. Garyşdyryp täze emoji dörediljek bolsa, munuň üçin saýlamaly emojiler awtomat ýagdaýda çykýar. Täze döredilen emojileri bolsa göçürip ýa-da "png" formatly suratda özüňe ýükläp bolýar.
Ozal şeýle hyzmat käbir messenjerlerde, şol sanda "Telegramda" elýeterlidi. Onuň kömegi bilen her bir ulanyjy öz stiker toplumyny döredip bilýärdi. Täze emojileri döretmäge iri IT kompaniýalaryň, şol sanda "Ýandeks" kompaniýasynyň hem mümkinçilikleri bar.
ORIENT news
