Döwletjan Ýagşymyradowyň indiki söweşiniň senesi belli boldy
Türkmen söweşijisi Döwletjan Ýagşymyradow 8-nji oktýabrda polýak garşydaşy Maseý Ružanski bilen söweşer.
Ýarym agyr agyrlykda söweş Amerikanyň San-Diýego şäherinde (ABŞ) Bellator 300 ýaryşynyň çäginde bolar.
Ýagşymyradowyň soňky söweşini şu ýylyň mart aýynda Bellator 292-de alyp barandygyny ýatladýarys. Onda türkmen söweşijisi eminleriň biragyzdan karary bilen litwaly Julias Anglikasy ýeňdi.
34 ýaşly Döwletjan Ýagşymyradow 2020-nji ýylyň dekabrynda Bellatoryň mahabaty bilen şertnama baglaşyp, bu guramada Türkmenistandan ilkinji söweşiji boldy. Sportçynyň 20 ýeňşi, 7 ýeňlişi we 1 deňligi bar.
Onuň garşydaşy, Polşada doglan 34 ýaşly Maseý Ružanski 14 ýeňiş gazandy we 4 ýeňlişi bar.
Özüniň soňky söweşini Polşaly şu ýylyň fewral aýynda Bellator 291 ýaryşynda alyp bardy we ol ýerde Britaniýaly Karl Murdan utuldy.
ORIENT news
