Türkmenistanlylar Russiýanyň ýokary okuw mekdeplerinde tölegsiz okap bilerler
Daşary ýurt raýatlary Russiýa Federasiýasynyň iň abraýaly ýokary okuw mekdeplerinde tölegsiz bilim alyp bilerler. Okuwa kabul ediş topary özüniň Telegram kanalynda 2024-2025-nji okuw ýyly üçin býujet esasynda Russiýada okamak isleýän dalaşgärleri hasaba almak işiniň başlanandygyny habar berýär.
Okuwa seçip alyş işiniň birinji tapgyrynda dalaşgärler daşary ýurt pasportynyň, alan bilimi we gazanan üstünlikleri baradaky resminamalaryň elektron nusgalaryny, arza-sowalnama we ýokary okuw mekdebinden teklipnama tabşyrmalydyr. Degişli resminamalaryň nusgalaryny taslamanyň sosial ulgamlarynda görmek bolýar.
2024-2025-nji okuw ýyly üçin dalaşgärleri hasaba almak işi 1-nji noýabra çenli dowam edýär. Resminamalar education-in-russia.com web-saýtynda kabul edilýär.
Daşary ýurt raýatlary üçin Russiýada döredilýän mümkinçilikler dogrusynda şu salgy arkaly giňişleýin öwrenip bilersiňiz: https://russia-edu.minobrnauki.gov.ru/.
ORIENT news
