Türkmenistanda iň ýyndam ahalteke bedewler mälim edildi
Ýakynda Aşgabat atçylyk toplumynda Türkmenistanda güýzki at çapyşyk möwsüminiň ilkinji ýaryşlary geçirildi. Aýdym-sazlar bilen başlanan möwsümde 7 çapyşyk geçirilip, onda ýyndam bedewler öňe saýlandy. Bu barada “Türkmenistan” gazeti habar berýär.
At çapyşyklaryň ilkinji tapgyrynda 3, 4 we uly ýaşar bedewler 1400, 2000 we 2200 metr aralyklar boýunça ýaryşdylar. Birinji çapyşykda Türkmenistanyň Prezidentiniň Ahalteke atçylyk toplumyna degişli bolan Daýanjym atly dor at pellehana ilkinji bolup geldi. Ol bu aralygy 1 minut 56,7 sekuntda geçdi. 1400, 2000 we 2200 metr aralyklara guralan at çapyşyklarynda Gyzlar, Guwandyk, Kysmat, Günhan we Bezirgen atly bedewler birinji geldiler.
Ýurdumyzyň ministrlikleriniň we pudaklaýyn dolandyryş edaralarynyň, jemgyýetçilik guramalarynyň, köpçülikleýin habar beriş serişdeleriniň wekilleri, ýaşulular we köpsanly muşdaklar at çapyşyklaryň tomaşaçylary boldular.
ORIENT news
