TTF-niň başlygy Malaýziýada geçirilen halkara seminara gatnaşdy
Türkmenistanyň Tennis federasiýasynyň (TTF) başlygy Eziz Döwletow Aziýada sportuň şu görnüşini ösdürmek boýunça ýolbaşçylar üçin geçirilen seminara gatnaşdy.
Okuw maslahaty 19-20-nji awgustda Aziýa tennis federasiýasynyň (AFT) howandarlygynda Kuala-Lumpurda geçirildi we oňa 32 ýurduň wekili ýygnandy.
Döwletow ATF-niň ýolbaşçylary: müdir Manprit Kandari we prezident Anil Hanna bilen duşuşdy. Taraplar hyzmatdaşlygyň mümkinçilikleri we sebitde tennisi ösdürmegiň ýollary barada pikir alyşdylar.
ATF-nyň ýolbaşçylary TTF-niň 2023-nji ýylyň iýun aýynda Aşgabatda 12 ýaşa çenli çagalaryň arasynda geçirilen Merkezi Aziýa çempionatynyň guramakdaky üstünliklerini bellediler.
Eziz Döwletow ATF-na goldaw we seminara çakylygy üçin minnetdarlyk bildirdi. Şeýle hem, ol TTF-niň ýurtda tennisiň ösüşini we türkmen türgenleriniň hünär derejesini ýokarlandyrmagy maksat edinýändigini tassyklady.
ORIENT news
