Türkmenistanyň we Eýranyň daşky gurşawy goramak ministrlikleriniň arasynda hyzmatdaşlygy pugtalandyrmak meseleleri ara alnyp maslahatlaşyldy
Türkmenistanyň Daşky gurşawy goramak ministri Çarygeldi Babanyýazow bilen Eýranyň daşky gurşawy goramak boýunça departamentiniň başlygynyň orunbasary Iradj Heşmati daşky gurşawy goramak we çölleşmäge garşy göreşmek boýunça bilelikdäki çäreler babatda ikitaraplaýyn hyzmatdaşlygyň meselelerini ara alyp maslahatlaşdylar diýip, Tehran Times habar berýär.
Sanly ulgam arkaly geçirilen duşuşykda ýurdumyzyň daşky gurşawy goramak ministri ekoulgamy hem-de biodürliligi goramagyň, şeýle hem ekologiýa meseleleriň ählumumy häsiýetine eýedigine ünsi çekip, bu meseleleleriň bilelikdäki tagalallar arkaly çözülmelidigini belledi.
Duşuşygyň dowamynda eýranly döwlet işgäri Ç. Babanyýazowy 9-10 sentýabrda Tähranda geçiriljek gum we tozan tupanlaryna garşy göreşmek boýunça halkara maslahata çagyrdy. Şeýle hem duşuşygyň çäklerinde bilelikdäki çözgütleri kabul etmek üçin Özara düşünişmek hakynda bilelikdäki türkmen-eýran Ähtnama gol çekilmegi beýan edildi.
Eýran tarapynyň wekili ekologiýa meseleleriniň ýetirýän zyýanyny azaltmak boýunça alnyp barylýan işler barada habar berdi. Halkara duşuşyklaryň hem-de maslahatlaryň geçirilmegi, gum we tozan tupanlarynyň sebäplerini aradan aýyrmak boýunça 10 ýyllyk meýilnamanyň kabul edilmegi şol çäreleriň hatarynda bellenildi.
Çölleşmäge garşy göreşmek üçin, bag ekmek çäreleri geçirilmelidir Türkmenistanyň Daşky gurşawy goramak ministri belledi.
Iki ýurduň bilermenler toparlary sebitde gum we tozan tupanlarynyň ýüze çykmagyny we ýaýramagyny seljermek ulgamynda iş alyp barýarlar.
ORIENT news
