Türkmen ilçisi türk kärdeşi bilen Täjigistanda gepleşikleri geçirdi
Awgust 19, 2023 | 13:38 |5702
Türkmenistanyň Täjigistan Respublikasyndaky Adatdan daşary we doly ygtyýarly ilçisi Aýmyrat Goçmyradow türk kärdeşi bilen türkmen-türk hyzmatdaşlygynyň giň ugurlaryny ara alyp maslahatlaşdylar. Bu barada Türkmenistanyň Täjigistandaky ilçihanasy habar berýär.
Türkiýäniň ilçihanasynda geçirilen gepleşiklerde taraplar özara hyzmatdaşlygyň ileri tutulýan ugurlaryny ara alyp maslahatlaşdylar.
Türkmenistanyň Täjigistandaky ilçisi wezipesine ýakynda bellenen Aýmyrat Goçmyradow ýurduň birnäçe ýokary wezipeli resmileri bilen duşuşyklary geçirdi. Täjigistan Respublikasynyň daşary işler ministri Sirojiddin Muhriddin bilen bolan duşuşykda ol ilçi hökmünde özüniň ynanç hatlarynyň nusgalaryny gowşurdy.
ORIENT news
