Niderlandlaryň ilçisi Andre Karstens Türkmenistanda wezipesini tamamlaýar
Awgust 08, 2023 | 21:11 |5862
Sişenbe güni Türkmenistanyň Daşary işler ministriniň orunbasary Wepa Hajyýew ýurtdaky işini tamamlaýan Niderlandlaryň adatdan daşary we doly ygtyýarly ilçisi Andre bilen duşuşdy.
Ministriň orunbasary diplomatyň türkmen-niderland gatnaşyklaryny ösdürmäge goşandy üçin minnetdarlyk bildirdi we döwletara hyzmatdaşlygyň gün tertibi we geljegi barada pikir alyşdy.
Gepleşikleriň dowamynda söwda, ykdysadyýet, energetika, ekologiýa, oba hojalygy, medeni, ynsanperwer we bilim alyş-çalyş ugurlaryndaky hyzmatdaşlygyň mümkinçiligi bellendi.
Niderlandlaryň ilçisi hem öz gezeginde Türkmenistanda diplomatik wezipesini durmuşa geçirmekde giňişleýin goldaw we ýardam üçin türkmen tarapyna minnetdarlyk bildirdi.
ORIENT news
