GDA ýurtlarynyň II oýunlarynda türkmen dzýudoçylary iki bürünç medal gazandy
Türkmen dzýudoçylary 4-nji awgustda Belarusda başlanan GDA ýurtlarynyň II oýunlarynda iki bürünç medal gazandy.
50 kilograma çenli agram derejesinde Behruz Bahridinow ýetginjekleriň arasynda bürünç medal bilen sylaglandy. Deslapky tapgyrlaryny üstünlikli ýeňip geçen türkmen türgeni ýaryşyň ýarym finalyna çykdy we ahyrky netijäni gazandy.
Ýene bir bürünjüň eýesi rus Yslam Bokow boldy. Ikinji orunda onuň watandaşy Iwan Ýurtaýew bar. Bu agram derejesinde Azerbaýjandan Nihad Mamişow çempion boldy.
Nobatdaky bürünç medaly türkmen milli ýygyndysyna 40 kilograma çenli agram derejesinde dzýudoçy Dilara Kandimowa getirdi. Ýene bir bürünç baýragy azerbaýjanly Hadija Abdullaýewa aldy. Russiýaly Sofiýa Belaş altyn medal bilen sylaglandy. Ikinji ýerde Özbegistanyň wekili Umida Kuldoşewa bar.
Öň agyr atletikaçylar Ýulduz Jumabaýewa we Ali Babamyradowyň kümüş medallara eýe boldylar.
ORIENT news
