Türkmenistanyň we Gazagystanyň Russiýa Federasiýasyndaky ilçileri hyzmatdaşlygyň gün tertibi barada pikir alyşdylar
Türkmenistanyň Russiýadaky ilçisi Batyr Nyýazlyýew Gazagystan Respublikasynyň Russiýa Federasiýasyna täze bellenen ilçisi Dauren Abaýew bilen duşuşdy.
Duşuşykda iki ýurduň arasyndaky hyzmatdaşlygyň häzirki ýagdaýy we geljegi barada pikir alyşdylar. Türkmenistan bilen Gazagystanyň arasyndaky gatnaşyklaryň dostluk, hoşniýetli goňşuçylyk, birek-birege hormat goýmak we deňlik ýörelgeleri esasynda işjeň we yzygiderli ösýändigi bellendi diýip, Moskwadaky türkmen diplomatik wekilhanasynyň saýty habar berýär.
Diplomatik wekilhanalaryň ýolbaşçylary beýleki döwletler bilen gatnaşykda öz ýurtlarynyň peýdalanýan esasy daşary syýasat ýörelgeleri barada birek-birege habar berdiler. Ileri tutulýan ugurlar hökmünde parahatçylygy we howpsuzlygy berkitmek, täze howplara we kynçylyklara garşy göreşmek, global energetika we ulag meýilnamasyny öňe sürmek boýunça halkara hyzmatdaşlyk bellendi.
BMG we beýleki abraýly halkara guramalarynyň arasyndaky hyzmatdaşlygy has- da pugtalandyrmak nukdaýnazaryndan ikitaraplaýyn gatnaşygy ösdürmegiň ähmiýeti we geljegi beýan edildi.
Moskwadaky türkmen we gazak diplomatik wekilhanalarynyň ýolbaşçylary iş gatnaşyklaryny dowam etdirmegi ylalaşdylar.
ORIENT news
