Türkmenistanyň hem-de Indoneziýanyň diplomatlary hyzmatdaşlygy giňeltmegiň ugurlaryny ara alyp maslahatlaşdylar
Awgust 11, 2023 | 17:50 |6823
11-nji awgustda Türkmenistan bilen Indoneziýanyň daşary syýasat edaralarynyň arasynda sanly ulgam arkaly ikitaraplaýyn geňeşmeler geçirildi diýip Türkmenistanyň DIM-niň resmi saýty habar berýär.
Gepleşikleriň dowamynda syýasy, söwda-ykdysady we ynsanperwer ulgamlarda türkmen-indoneziýa hyzmatdaşlygynyň häzirki ýagdaýy we geljegi ara alnyp maslahatlaşyldy.
Şeýle hem iki döwletiň ikitaraplaýyn we halkara guramalaryň çäklerinde netijeli gatnaşyk edýändigi bellenildi.
Taraplar dürli möhüm ugurlar boýunça hyzmatdaşlygy mundan beýläk-de giňeltmek üçin uly mümkinçilikleriň bardygyny bellediler.
ORIENT news
