Türkmenistan Ýewropa Bileleşigi bilen söwda hyzmatdaşlygyny giňeldýär
Türkmenistan bilen Ýewropa Bileleşiginiň ýurtlarynyň arasyndaky özara haryt dolanyşygynyň möçberi 2023-nji ýylyň ilkinji çärýeklerinde 345 million ýewrodan gowrak boldy. Şeýle görkeziji geçen ýylyň degişli döwri bilen deňeşdirilende 10,4 göterim ýokarydyr. Bu barada Ýewropa Bileleşiginiň statistika müdirligine salgylanyp Trend habar berýär.
Hususan-da, hasabat döwründe Türkmenistan bilen Fransiýanyň arasyndaky haryt dolanyşygynyň möçberi 29 million ýewro bolup, geçen ýyl bilen deňeşdirilende 3,1 esse artdy. Şunda Türkmenistanyň eksportunyň paýy 2,4 esse ýokarlandy.
Soňky üç ýylyň dowamynda Türkmenistan bilen Fransiýanyň arasyndaky ykdysady gatnaşyklaryň ösüş depgini oňyn häsiýete eýe boldy. 2022-nji ýylda eksport-import gatnaşyklary 2021-nji ýylyň degişli döwri bilen deňeşdirilende 6,75 göterim artdy. Fransiýa şu ýylyň başyndan bäri Türkmenistana eksportuny 3,2 esse köpeltdi.
ORIENT news
