Keýpler gowy! Gowy çykyş etmäge garaşýarys!
Bu biziň watandaşymyzyň, GDA ýurtlarynyň II oýunlarynyň gatnaşyjysy, ýaýdan ok atmak boýunça Türkmenistanyň ýygyndysynyň agzasy Ezizmuhammet Sähedowyň belorus topragynda aýdan ilkinji sözleri.
Onuň bilen Arkalaşygyň Oýunlarynda agzalyp geçilen ýaýdan ok atmakdan başga-da ýüzmek, ok atmak, 3х3 basketbol, karate, dzýudo, sambo, taý we nusgawy boks, erkin we grek-rim göreşi, agyr we ýeňil atletika ýaly sport görnüşlerine wekilçilik edýän ýygyndy boýunça ýoldaşlary hem raýdaşdyr.
Sözleri bilen däl-de, eýsem keýpleri bilen hem oglanlaryň ruhy hakykatdanam gowy. Oýunlaryň hojaýynlary hem GDA ýurtlarynyň arasynda geçirilýän sportyň köp görnüşi boýunça ýaryşa gatnaşyjylara gowy şertleri döretmäge çalyşypdyrlar. Diňe olam däl. Guramaçylaryň maglumatlaryna görä, Belorusda ýigrimiden gowrak döwletiň wekilleriniň gatnaşmagyna garaşylýar.
Janköýerlere diňe günleri däl-de, eýsem sagatlary sanamak galýar, sebäbi Oýunlar tiz wagtdan – 4-nji awgustda başlar. Ýene-de – öz watandaşlaryna üstünlik arzuw etmek, özlerine bolsa gowy netijelere garaşmak galýar.
Esasanam, ýokarda ady agzalan ýaýdan ok atyjy Ezizmuhammet Sähedow belorus topragynda bolmagynyň ilkinji sagatlarynda aýtdy:
«Ýaryşlarda gowy çykyş etmäge garaşýarys, sebäbi biz muňa yhlas bilen taýýarlandyk!»
ORIENT habarlar
