4-nji awgustda Türkmenistanyň, Täjigistanyň we Özbegistanyň döwlet Baştutanlarynyň ilkinji sammiti geçiriler
4-nji awgustda Aşgabat şäherinde Türkmenistanyň, Täjigistanyň we Özbegistanyň döwlet Baştutanlarynyň sammiti geçiriler. Bu barada Türkmenistanyň resmi metbugaty habar berýär.
3 ýurduň hyzmatdaşlygyna syn berýän makalada bellenişi ýaly, Türkmenistan bu ýurtlaryň ikisi bilen hem strategik hyzmatdaşlyk hakynda resminamalary baglaşmagy özara gatnaşyklaryň ýokary derejesine şaýatlyk edýär.
Sammitiň öňýanynda mälim edilmegine görä, döwlet Baştutanlarynyň sammmitinde täze köpugurly reminamalaryň birnäçesiniň baglaşylmagyna garaşylýar. Munuň üçin diplomatik we beýleki resmi döwlet edaralarynyň wekilleriniň arasynda duşuşyklar geçirildi.
3 ýurduň döwlet Baştutanlarynyň sammiti hyzmatdaşlyk gatnaşyklarynyň pugtalandyrylmagyna we Merkezi Aziýa sebitinde parahatçylygyň we durnuklylygyň has-da berkidilmegine goşant goşar.
ORIENT news
