Türkmen dzýudoçylary Daşkende geçirilen Aziýa ýaşlar kubogynda dört medal gazandy
Türkmen dzýudoçylary Daşkentde (Özbegistan) tamamlanan kursantlaryň we ýaşlaryň arasynda açyk Aziýa kubogynda dört – bir altyn, iki kümüş we bir bürünç medal gazandylar.
Türkmenistanyň dzýudo federasiýasynda ORIENT-e habar berilşi ýaly, Maýsa Pardaýewa 57 kilograma çenli agram derejesinde altyn medal bilen sylaglandy. Serdar Rahymow 66 kilograma çenli agram derejesinde kümüş gazandy.
Türkmen milli ýygyndysynyň gaznasyna ýene bir kümüş medal, kursantlaryň arasynda 63 kilograma çenli agram derejesinde Nasiba Narimanow getirdi. Oguljahan Hudaýnazarowa 44 kilograma çenli agram derejesinde üçünji basgançaga çykdy.
Kursantlaryň we ýaşlaryň arasynda Aziýa açyk kubogy Türkmenistandan, Gruziýadan, Gazagystandan, Gyrgyzystandan, Täjigistandan we Özbegistandan 600-den gowrak dzýudoçylary ýygnady.
ORIENT news
