Türkmen senetçileri Bişkekdäki «Oimo-2023» halkara festiwalyna gatnaşýarlar
Özbek keramiki gap-gaçlary, türkmenleriň adaty eşikleri, hindi ussalarynyň keşdesi we başga-da köp owadan we gyzykly zatlar Bişkekdäki senetçilik ýarmarkasynda görkezildi. XVII Halkara medeni we senetçilik festiwaly «Oimo-2023» penşenbe güni Gyrgyzystanyň paýtagtynda açyldy diýip, AKIpress habar berýär.
Bişkek şäherindäki döredijilik çäresine her ýyl Gazagystanyň, Özbegistanyň, Täjigistanyň, Türkmenistanyň, Türkiýäniň, Azerbaýjanyň, Owganystanyň, Hindistanyň, Hytaýyň, Russiýanyň, Eýranyň, ABŞ-nyň we Meksikanyň ussalary gelýärler. Şeýle hem ýarmarka şäheriň ýaşaýjylary we daşary ýurtly myhmanlar, senetçiler, dizaýnerler, medeniýwt we sungat işgärleri, döredijilik pudaklarynyň wekilleri gatnaşýar.
«Oimo» festiwalynyň ady gyrgyzçadan «milli nagyş» ýaly terjime edilýär. Maksat – dürli ýurtlaryň halk senetlerini we däp-dessurlaryny ýaýratmak, şeýle hem halklaryň medeni mirasyny gorap saklamak we däp bolan bilimleriň dowamlylygyny dikeltmek. Bişkegiň festiwal meýdançasy medeni mirasa esaslanýan senetçilik bazarynyň we döredijilik pudaklarynyň ösmegine itergi berýär, şeýle hem Gyrgyzystany ekologiýa taýdan arassa medeni syýahatçylygyň halkara sebite öwürýär diýip, habarda aýdylýar.
«Oimo» – Gyrgyzystanda 2006-njy ýyldan bäri geçirilýän halkara medeni festiwaldyr. Däp bolşy ýaly ol, iýul aýynyň ahyrynda Bişkekdäki ýarmarka bilen açylýar we Issyk-Kul kölüniň kenarynda dowam edýär.
ORIENT news
