Samsung Galaxy Ring «akylly» ýüzügiň üstünde işleýär

Iýul 21, 2023 | 16:30 |7010

Günorta Koreý kompaniýasy Samsung Galaxy Ring «akylly» ýüzügi işläp düzmäge başlady, ol saglyk görkezijilerini gözden düşürmezlige mümkinçilik berer- diýip, 3dnews.ru ýazýar.

Gurluşda Meiko ýapon kompaniýasynyň düzüm bölekleri ulanylar. Entäk Samsung ýüzügi işläp düzmäge ýaňy girişdi we onuň prototipini (başlangyç obrazyny) gurdy. Köpçülikleýin önümçilige badalga berilmegi baradaky gutarnykly karar entäk kabul edilmedi.

Şunuň bilen bir wagtda 26-njy iýulda boljak indiki tanyşdyrylyşda Samsung-yň täze «akylly» sagady Galaxy Watch6-ny görkezjekdigi belli boldy, ol fiziki taýdan galtaşmazdan islendik zadyň gyzgynlygyny ölçäp bilýär, mysal üçin – howuzdaky suwuň, azyk önümleriniň we ş.m.

ORIENT habarlar