ABŞ-da okamak isleýän türkmenistanlylar taýýarlyk okuwlaryna çagyrylýar
Amerikanyň Birleşen Ştatlarynyň uniwersitetlerine we kollejlerine okuwa girmek isleýän ýaş türkmenistanlylar “Prep4Sucess” maksatnamasynyň çäklerinde 18 hepdelik taýýarlyk okuwlaryna çagyrylýar.
Güýz möwsüminde geçiriljek okuwlarda okajaklar ABŞ-da okamak üçin zerur bolan “TOEFL” we “SAT” synaglaryna we akademiki taýdan okamak, ýazmak hem-de beýleki ukyp-başarnyklaryny kämilleşdirmek üçin taýýarlanylar. Bu okuwlara gatnaşmaga isleg bildirenler orta mekdebi tamamlan, ýokary okuw mekdebini tamamlamadyk ýa-da olarda okaýan bolmaly däldir. Şeýle hem okuwa gatnaşmaga isleg bildiren orta we ýokary derejede iňlis dilini bilmelidir.
Resminamalary kabul edilen dalaşgäriň kompýuter ýa-da smartfon arkaly Internet elýeterliligi bolmalydyr. Okuw ýumuşlary okaýanlara sosial tor ýa-da elektron poçta arkaly iberiler.
Gerekli resminamalar bilen şu salgy boýunça tanşyp bilersiňiz: americancouncilstm.org.
ORIENT news
