Türkmenistan guşakly göreş boýunça dünýä çempionatynda üçünji ýeri eýeledi
Türkmen türgenleri 13-nji iýuldan 16-njy iýul aralygynda Astanada (Gazagystan) geçen guşakly göreş boýunça dünýä birinjiliginde üçünji umumytopar ýerini eýelediler. Ýaryşlara 30 ýurduň pälwanlary gatnaşdylar.
Türkmenistanly türgenler 11 medal — 4 altyn, 4 kümüş we 3 bürünç medal gazandylar, şeýdibem dünýä çempionatynyň iň gowy toparlaryň üçlügine girdiler.
Erkekleriň arasynda dürli agram derejelerinde altyn medallary Agaýusup Garaýew, Rozmyrat Medow, Hojamyrat Suhanow we Atageldi Tejendurdyýew gazandylar.
Annagurban Allaberdiýew, Arslan Hojamberdiýew, Nobatgeldi Nazarow erkekleriň arasynda we Jemal Öwlýägulyýewa zenanlaryň arasynda kümüş medalyň eýeleri boldylar.
Erkekleriň arasynda bürünç medala Guwanç Hemraýew we Nurmuhammet Baýdogdyýew, zenanlaryň arasynda bolsa— Zarina Abdyrahmanowa mynasyp boldylar.
Birinjilikde birinji umumytopar ýeri Russiýa eýeledi , ikinji ýeri – Gazagystan eýeledi.
ORIENT habarlar
