Bedenterbiýe we sport boýunça Döwlet komitetiniň we Türkmenistanyň sport uniwersitetiniň ýolbaşçylygy üýtgedi
Iýul 14, 2023 | 22:56 |15509
Gulmyrat Agamyradow, işinde goýberilen kemçilikleri üçini Döwlet bedenterbiýe we sport komitetiniň başlygy wezipesinden boşadyldy.
Döwlet komitetine şu wagta çenli Türkmen döwlet bedenterbiýe we sport institutynyň rektory bolan Allaberdi Saparow ýolbaşçylyk eder.
Ylmy işler boýunça prorektor Hyýdyr Nunnaýew, boşan rektoryň wezipesine bellenildi we onuň ýerine Merdanbeg Piriýew geçirildi.
Aba Annaýew adyndaky Halkara atçylyk sport akademiýasynyň ylmy işler boýunça prorektory wezipesine Seýitmyrat Ataýew bellendi.
Prezidentimiz Serdar Berdimuhamedow, işgärlere degişli resminamalara ýylyň birinji ýarymynyň netijeleri boýunça geçirilen giňeldilen hökümet mejlisinde gol çekdi.
ORIENT news
