Yrak Türkmenistandan gaz import etmegiň mümkinçilikleri barada pikir edýär
Yragyň premýer-ministri Mohammed Şia Al-Sudani, energetika pudagynda Yrak resmileri bilen bolan duşuşygynda, elektrik stansiýalaryna zerur ýangyç bermekde kynçylyk çekýänligi sebäpli, gaz importyna çözgütleri tapmagy tabşyrdy. Bu barada IraqiNews.com premýer-ministriň kanselýariýasynyň çap eden beýanyna salgylanyp habar berdi.
Al-Sudani, häzirki hökümetiň Yragyň taryhynda iň ýokary 26,000 megawat elektrik energiýasyny öndürmek üçin çäreleri görendigini tassyklady. Ýöne bu derejäni saklamak Eýranyň gaz üpjünçiliginiň dowam etmegi üçin şertli boldy.
Şeýle-de bolsa, töleg meselesi Yrakdaky elektrik energiýasyna ýaramaz täsir edip, bu iberişleriň 50 göterim azalmagyna sebäp boldy.
Yrak köp mega taslamalary arkaly gaz önümçiligini ýokarlandyrmak ugrunda iş alyp barsada, Al-Sudani Yrak hökümetine goşmaça ýollary we çalt düzedişleri tapmagy hem-de Türkmenistandan we Katardan gaz import etmek boýunça tagallalary dowam etdirmegi tabşyrdy.
Premýer-ministr, şeýle hem, Nebit ministrligine energetika ýataklaryny özleşdirmekde halkara kompaniýalary bilen hyzmatdaşlyk etmegi tabşyrdy we gün energiýasy öndürmek taslamalarynyň tamamlanmagyny çaltlaşdyrmagyň zerurdygyny nygtady.
ORIENT news
