Türkmenistanyň senagat boýunça wise-premýeri Koreýa Respublikasynyň premýer-ministri bilen duşuşdy
Seulda saparda bolýan, türkmen hökümetinde energetika, gurluşyk we senagat pudaklaryna gözegçilik edýän wise-premýer Baýmyrat Annamämmedow 17-nji iýulda Koreýa Respublikasynyň premýer-ministri Han Dok Su bilen duşuşdy- diýip, koreý KHBS habar berýär.
Taraplar Türkmenistanyň we Koreýa Respublikasynyň senagat we gurluşyk babatynda, şeýle hem medeniýet we bilim babatynda hyzmatdaşlygy ösdürmegini ara alyp maslahatlaşdylar.
Han Dok Su ýurtlaryň arasyndaky hyzmatdaşlygyň derejesine ýokary baha berdi we koreý kompaniýalarynyň Türkmenistandaky iri infrastruktura taslamalaryna has işjeň gatnaşmak we ykdysady hyzmatdaşlygy çuňlaşdyrmak islegini belledi.
Annamämmedow ozal koreý kompaniýalary tarapyndan Türkmenistanda iri gerimli gurluşyk taslamalaryny ýerine ýetirmegiň çäklerindäki işleriň hili barada oňyn jogap berdi we şeýle hem ýurtlaryň arasyndaky hyzmatdaşlygy giňeltmeklige umyt bildirdi.
ORIENT habarlar
